GILJASKÓLI

Þegar nemendur eru að kynnast grunnaðferðum teikningar er mikilvægt að nemendur átti sig á því hversu mikilvægt er að horfa á viðfangsefni sitt og greina formin áður en þeir teikna, í stað þess að reiða sig á minni og hugmyndir um það hvernig viðfangsefnið á að lýta út.

​

Til þess að koma nemendum í skilning um þetta og upplifa þennan mun byrja nemendur á að teikna viðfangsefnið, í þessu tilfelli epli, án þess að hafa epli fyrir framan sig. Þegar því er lokið teikna þeir epli aftur og nú hafa þeir epli fyrir framan sig.

​

Nemendur sjá hversu ólíkar teikningarnar eru þegar þær eru bornar saman og komast að raun um að þegar fyrirmynd er notuð, verður myndin mun betri.