Þetta verkefni tekur nokkurn tíma og vinna nemendur að því meðfram annarri vinnu í lengri tíma. Yfir önnina flokka nemendur alla pappírsafganga eftir lit. Þegar verkefnið hefst rífa nemendur pappírinn niður og leggja í bleyti. Litum er haldið aðskildum til þess að nemendur geti stjórnað litnum á sínum örkum. Pappírinn fær að liggja í bleyti í einhvern tíma en reglulega er hrært í honum með þeytara.

 

Þegar kemur að pappírsgerðinni nota nemendur bala, tuskur, svampa og þess til gerða pappírgerðaramma. Þeir æfa sig við að ná tökum á tækninni og búa til pappírsarkir eftir eigin höfði. Arkirnar fá síðan að þorna og eru síðan tilbúnar til notkunar.