Í þessu verkefni rifja nemendur upp litahringinn og þá sérstaklega andstæða liti. Andstæðir litir eru á móti hvor öðrum í litahringnum og eru eins langt frá hvor öðrum, litalega séð, og hægt er. Þegar þeir eru notaðir saman dregst augað ósjálfrátt að þeim. Það á vel við þegar verið er að hanna auglýsingu eða eitthvað annað sem á að grípa athygli áhorfandans.

 

Nemendur skipta fletinum upp í átta hólf og teikna einfalda mynd á flötinn. Síðan mála þeir hvert hólf með einu andstæðu litapari þar sem annar er notaður á jákvæða rýmið en hinn á neikvæða. Þeir nota síðan sömu liti hólfið sem er beint á móti nema þá breyta þeir hlutverkum litana og nota þann lit sem notaður var á jákvæða rýmið, á það neikvæða. Tvö hólf eru síðan frátekin fyrir eigin litasamsetningu og þá geta nemendur prufa einhverja tvo liti saman sem heilla þá.